न्यूज अभियान
हरेक खबर विशेष खबर

काबुल, १३ साउन : अफगानिस्तानमा चार महिनाको अवधिमा  वर्षाले निम्त्याएको प्रकोपका कारण ३५१ जनाको मृत्यु हुनुका साथै ४३६ घाइते भएको अफगानीस्तानको राष्ट्रिय विपद् व्यवस्थापन प्राधिकरण (एनडिएमए) ले जनाएको छ ।

प्राधिकरणका उप प्रवक्ता ताज मोहम्मद हेमतका अनुसार तिव्र आँधीबेहरी र बिजुलीको साथमा आएको भारी वर्षाका कारण बाढी पहिरो आउदा प्रभावित क्षेत्रमा मानिसहरुको ज्यान जानुका साथै व्यापक विनाश भएको जनाइएको छ ।

विनाशकारी मौसमी प्रकोपले  दुइ हजार ३२१ वटा आवासीय घरहरू क्षति ग्रस्त भएको र  थप आठ हजार ३६ वटा भवन आंशिक क्षति पुर्याएको जनाइएको छ ।

वाढीले ६४४ किलोमिटर ग्रामीण सडकहरू बगाउनुका साथै खेतीयोग्य जमिन डुबानमा परेको उल्लेख गरिएको छ । बाढीका कारण राष्ट्रव्यापी रूपमा कुल २४, हजार ३५ घर परिवार प्रभावित भएको अधिकारीले पुष्टि गरेका छन् ।

 गर्मीको समयमा तिव्र खडेरीको सामना गरेको अफगानीस्तानले वर्षातको समयमा भएको वर्षा आवश्यक राहत प्रदान गर्ने आशा जगाएको भएता पनि भारी वर्षाले विनाशकारी बाढी निम्त्याउदा गरिब राष्ट्रका कमजोर समुदायलाई थप तनाव सिर्जना गर्ने अवस्था आएको जनाइएको छ ।