न्यूज अभियान
हरेक खबर विशेष खबर

इनरुवा (सुनसरी)। जिल्ला प्रशासन कार्यालय सुनसरीले सुरक्षा अवस्था र सार्वजनिक शान्ति कायम राख्ने उद्देश्यले पूर्व–पश्चिम राजमार्गअन्तर्गत इनरुवासहितका विभिन्न क्षेत्रमा कर्फ्यू आदेश जारी गरेको छ।

प्रशासनले जारी गरेको आदेशअनुसार कर्फ्यू लागू भएको अवधिभर तोकिएको क्षेत्रमा सर्वसाधारणको आवतजावत, भेला तथा अन्य गतिविधिमा पूर्ण रोक लगाइएको छ।

सुरक्षा निकायलाई कर्फ्यूको प्रभावकारी कार्यान्वयन गर्न परिचालन गरिएको प्रशासनले जनाएको छ।

हालै भएका तनावपूर्ण घटनापछि सम्भावित अप्रिय अवस्था नियन्त्रण गर्न र जनधनको सुरक्षा सुनिश्चित गर्न कर्फ्यू लगाइएको प्रशासनको भनाइ छ।

नागरिकलाई अत्यावश्यक कामबाहेक घरबाहिर ननिस्कन तथा प्रशासनले जारी गरेका निर्देशनहरूको पूर्ण पालना गर्न आग्रह गरिएको छ।

जिल्ला प्रशासन कार्यालयले परिस्थितिको निरन्तर अनुगमन भइरहेको जनाउँदै सुरक्षा अवस्थाका आधारमा कर्फ्यू आदेशलाई आवश्यकतानुसार पुनरावलोकन गरिने जनाएको छ।