न्यूज अभियान
हरेक खबर विशेष खबर

काठमाडौं । त्रिभुवन विश्वविद्यालय (त्रिवि) अन्तर्गतको एमबीएस (Master of Business Studies) को प्रश्नपत्र परीक्षा सुरु भएको पाँच मिनेटमै WhatsApp मार्फत् लिक भएको घटनामा संलग्न रहेको आरोपमा प्रहरीले दुई जनालाई पक्राउ गरेको छ।

प्रहरीका अनुसार पक्राउ परेकामाथि प्रश्नपत्र अनधिकृत रूपमा बाहिर पठाएको तथा सामाजिक सञ्जालमार्फत् प्रसारण गरेको आरोपमा अनुसन्धान भइरहेको छ। घटनापछि त्रिवि र सम्बन्धित सुरक्षा निकायले प्रश्नपत्र कसरी बाहिरियो भन्ने विषयमा थप छानबिन अघि बढाएका छन्।

यस घटनाले विश्वविद्यालयको परीक्षा प्रणाली र प्रश्नपत्र सुरक्षामाथि गम्भीर प्रश्न उठाएको छ। 

प्रहरीले घटनामा अन्य व्यक्तिको समेत संलग्नता हुन सक्ने भन्दै अनुसन्धान जारी रहेको जनाएको छ।