न्यूज अभियान
हरेक खबर विशेष खबर

लगातारको तराई बन्द अनि भारतीय नाकाबन्दीका कारण यतिबेला मुलुकभरको जनजीवन प्रभावित भएको छ । इन्धनको चरम अभाव भएको छ । खाद्यान्न पाउन हम्मे हम्मे परेको छ । तर हिमालपारीको जिल्ला मनाङ यी सबबाट बेखवर छ । मनाङलाई नाकाबन्दीको मारले छोएको छैन ।

मनाङको पर्यटन व्यवसाय निरन्तर चलिरहेको छ । नाकाबन्दीकै क्रममा पनि मनाङमा आन्तरिक तथा बाह्य पर्यटकहरुको संख्यामा भारी बृद्धि भएको छ । हिमालपारीको जिल्ला मनाङ पुगेका आन्तरिक पर्यटक र ५ हजार ४ सय १६ मीटरको थोराङ भञ्ज्याङलाई पार गर्न पुगेका बाह्य पर्यटकहरुले यतिबेला मनाङको सदरमुकाम चामे, माथिल्लो मनाङ लगायतका क्षेत्रहरु खचाखच भरिएको छ ।