कांग्रेस महाधिवेशनको मतदान समय दुई घण्टा थपियो
न्यूजअभियान | प्रकाशित मिति : २०८३ असोज २३ शुक्रबार |
काठमाडौं, २३ असोज । नेपाली कांग्रेसको १५औँ महाधिवेशनअन्तर्गत केन्द्रीय कार्यसमिति चयनका लागि भइरहेको मतदानको समय दुई घण्टा थप गरिएको छ ।
केन्द्रीय निर्वाचन समितिले आज जारी गरेको सूचनाअनुसार दिउँसो ३ बजेसम्मका लागि निर्धारण गरिएको मतदानको समय बढाएर साँझ ५ बजेसम्म कायम गरिएको हो ।
काठमाडौंमा जारी महाधिवेशनअन्तर्गत आज बिहानदेखि मतदान प्रक्रिया सुरु भएको थियो । मतदानको समय थप गरिएको जानकारी निर्वाचन समितिका सदस्यसचिव राजु कटुवालले दिनुभएको हो ।
निर्वाचन समितिले मतदानको समय थप गरिएको जानकारी गराउँदै सम्पूर्ण महाधिवेशन प्रतिनिधि, मतदाता तथा सरोकारवालालाई सोहीअनुसार सहभागी हुन आग्रह गरेको छ ।
