न्यूज अभियान
हरेक खबर विशेष खबर

काठमाडौं, १७ कात्तिक । उमा भुजेल नेतृत्वको नेपाल कम्युनिस्ट पार्टी नेपाली कम्युनिस्ट पार्टी (नेकपा) मा एकीकरण हुने भएको छ।

दुई पार्टीबीच मंगलबार दिउँसो १ बजे काठमाडौंको कोटेश्वरस्थित नेकपाको केन्द्रीय कार्यालय पेरिसडाँडामा एकता घोषणा कार्यक्रम आयोजना गरिने भएको छ।

नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीबाट अलग भएपछि उमा भुजेलको नेतृत्वमा राष्ट्रिय भेला आयोजना गरिएको थियो। उक्त भेलाले भुजेलको नेतृत्वमा १०५ सदस्यीय केन्द्रीय समिति गठन गरेको थियो।

कम्युनिस्ट आन्दोलनमा एकता, सहकार्य र राजनीतिक ध्रुवीकरणलाई अघि बढाउने लक्ष्यसहित दुई पार्टीबीच एकीकरण हुन लागेको जनाइएको छ। यस एकतासँगै दुवै पक्षका नेता तथा कार्यकर्ता एउटै राजनीतिक संगठनमा आबद्ध हुनेछन्।