न्यूज अभियान
हरेक खबर विशेष खबर

काठमाडौँ, १९ असोजः रूपन्देहीको बुटवल उपमहानगरपालिका-४ हाटबजारबाट अवैध लागुऔषध ब्राउनसुगर जस्तो देखिने पदार्थ ३९० मिलिग्रामसहित बुटवल-११ देवीनगर डेरा गरी बस्ने गुल्मी घर भएका ३८ वर्षीय चन्द्रबहादुर खत्रीलाई प्रहरीले आज पक्राउ गरेको छ । इलाका प्रहरी कार्यालय बुटवलबाट खटिएको प्रहरीले निजलाई उक्त पदार्थसहित पक्राउ गरेको हो । 

    बाँकेको नेपालगञ्ज उपमहानगरपालिका-१४ भवनीयापुरबाट नियन्त्रित लागुऔषध ट्रामाडोल २८० ट्याब्लेटसहित जाजरकोट भेरी नगरपालिका-३ बस्ने १९ वर्षीय शङ्कर शाहीलाई आज दिउँसो जिल्ला प्रहरी कार्यालयबाट खटिएको प्रहरीले पक्राउ गरेको नेपाल प्रहरीको केन्द्रीय समाचार कक्षले जनाएको छ ।
 
    त्यस्तै कैलालीको धनगढी उपमहानगरपालिका-३ रिङरोड वीरेन्द्र टोलबाट चरेस जस्तो देखिने पदार्थ ६४ ग्रामसहित सोही ठाउँ बस्ने ४९ वर्षीय गौरीसिंह महरालाई वडा प्रहरी कार्यालय धनगढीबाट खटिएको प्रहरीले पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।