धुर्मुस-सुन्तलीको कामको तारिफ गर्दै पहरी गाउँमा कलाकारको लर्को -भिडियो सहित
काठमाण्डौ । गत बैशाख १२ गतेको विनासकारी भूकम्पका कारण काभ्रेका पहरी गाउँ बासी घर बिहिन् हुन पुगे ।
सरकारले समेत खासै ध्यान दिन नसकेको पहरी गाउँमा हास्य कलाकारदय सिताराम कट्टेल ‘धुर्मुस’ र कुन्जना घिमिरे ‘सुन्तली’को नेतृत्वमा अन्य कलाकारको सहयोगमा निर्मित घर बुधबार हस्तान्तरण गरिएको छ ।
उनीहरुले ६५ दिन लगाएर ती घर निर्माण गरेका थिए । अभियानमा कलाकारलाई सगुन डटकमका पदाधिकारीले साथ दिएका थिए ।
अरनिको राजमार्गको लामीडाँडाबाट पलाञ्चोक भगवती मन्दिर छिचोलेर चार किलोमिटर अगाडि बढेपछि पुगिन्छ सीमान्तकृत पहरीगाउँ ।
यो सीमान्तकृत बस्तीमा अहिले चिटिक्क परेको नमुना घरहरु देखिन्छ । १४ महिनाकी छोरीलाई घरमै छोडेर सुन्तली सामाजिक कार्यमा जुटेकी हुन् ।
घर हस्तान्तरण कार्यक्रममा पहरी गाउँमा कलाकारको लर्को लाग्यो । 
बरिष्ट हाँस्य कलाकार हरिबंश आचार्य,शिवहरी पौडेल,किरण केसी,दिपाश्री निरौला लगायतका दर्जन कलाकारको भिड थियो ।
उपस्थित कलाकार तथा सरकारी व्यक्तित्वले समेत धुर्मुस-सुन्तलीको कामको खुलेरै तारिफ गरे ।
तस्बिर:नागरिक / भिडियो:सेतोपाटी
