Monday 29th of May | २०७४ जेठ १५ सोमबार

न्यूज अभियान
हरेक खबर विशेष खबर

के भयो भरतपुर महानगरपालिकामा ? एका-एक मतगणना रोकियो

न्यूजअभियान | प्रकाशित मिति : २०७४ जेठ ५ शुक्रबार
newsabhiyan

चितवन, ५ जेठ । भरतपुर महानगरपालिकाको मतगणना चित्तबुझ्दो नभएको भन्दै नेपाली कांग्रेस र माओवादी केन्द्रले विरोध गरेपछि साँझ ७ बजेपछि मतगणना कार्य रोकिएको छ ।

माओवादी केन्द्रको जिल्ला संयोजक घनश्याम दाहालले महानगरपालिका–९ मा मतगणनाका क्रममा आफ्नो मत गडबड गरिएपछि विरोध गरेको बताउनुभयो । उहाँले यसअघि गणना गरिएका वडा नं. ४ र ७ मा पनि गडबड भएको भन्दै नसच्याएसम्म गणना अघि बढ्न नहुने बताउनुभयो ।

प्रमुख र उपप्रमुख पदमा माओवादी केन्द्रसँग मिलेको नेपाली कांग्रेसले पनि गणनामा शङ्का लागेको भन्दै विरोध जनाएको छ ।

यता सहायक निर्वाचन अधिकृत गम्भीर घिमिरेले गणनामा कुनै त्रुटि नरहेको बताउनुभयो । कांग्रेस र माओवादीले गणनास्थल र बाहिर नाराबाजी गरेका थिए । भरतपुर महानगरपालिका–१ देखि ९ सम्मको मतगणना सम्पन्न भएको छ । वडा नं. १० को गणना हुँदै गर्दा रोकिएको हो । हालसम्म नेकपा (एमाले)ले पाँच वडा र नेपाली कांग्रेसले चार वडामा विजयी हासिल गरेका छन् ।

प्रमुख पदमा नेकपा एमालेका देवीप्रसाद ज्ञवाली र माओवादी केन्द्रकी रेणु दाहालबीच कडा प्रतिस्पर्धा भएको छ । रासस 

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।

ताजा भिडियो ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan