Wednesday 23rd of January | २०७५ माघ ९ बुधबार

न्यूज अभियान
हरेक खबर विशेष खबर

मन्त्री यादव मुम्बई प्रस्थान

न्यूजअभियान | प्रकाशित मिति : २०७५ पौष २७ शुक्रबार |
newsabhiyan

काठमाडौँ, २७ पुस (रासस) : उद्योग, वाणिज्य तथा आपूर्तिमन्त्री मातृकाप्रसाद यादव भोलि शनिबार र पर्सी आइतबार भारतको आर्थिक राजधानी मुम्बईमा कन्फेडेरेशन अफ इण्डियन इण्डष्ट्रिज (सिआइआई) ले आयोजना गर्ने २५ औँ साझेदारी सम्मेलनमा भाग लिने तीन सदस्यीय नेपाली प्रतिनिधिमण्डलको नेतृत्व गर्दै आज अपराह्न त्यसतर्फ प्रस्थान गर्नुभयो ।

भारत सरकारको औद्योगिक नीति तथा प्रवद्र्धन विभाग र महाराष्ट्र प्रान्तीय सरकारसँगको सहकार्यमा आयोजित उक्त सम्मेलन ‘नयाँ समझदारीको विकासबाट नयाँ लगानीका अवसर पहिचान’.केन्द्रित हुने उद्योग, वाणिज्य तथा आपूर्ति मन्त्रालयले जनाएको छ ।

सम्मेलनमा नवीकरणीय लगानी प्रवद्र्धन ऊर्जा, सूचना तथा सञ्चार प्रविधि, आर्थिक उन्नयनमा नवीनतम प्रविधिको प्रयोग, कृषि तथा खाद्य प्रशोधन, स्वास्थ्य सेवाबारे गहन विचारविमर्श हुनेछ ।

निजी क्षेत्रबाट सम्मेलनमा भागलिन नेपाल उद्योग परिसङ्घका अध्यक्ष हरिभक्त शर्मा नेतृत्वको अर्को टोली पनि आजै अपराह्न मुम्बईतर्फ प्रस्थान गरेको छ । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan