Friday 14th of December | २०७५ मङ्सिर २८ शुक्रबार

न्यूज अभियान
हरेक खबर विशेष खबर

भाँडियो राप्रपा एकता: कुरो आयो संस्था र चुनाव चिह्नको !

न्यूजअभियान | प्रकाशित मिति : २०७५ कार्तिक २६ सोमबार |
newsabhiyan
newsabhiyan

काठमाडौं ,२६ कार्तिक । 

  संवैधानिक राजसंस्थाको विषयमा राष्ट्रिय प्रजातन्त्र पार्टी र राष्ट्रिय प्रजातन्त्र पार्टी (प्रजातान्त्रिक) बीच कुरा मिल्न नसकेपछि राप्रपा एकताको घोषणा भाँडिएको छ ।

सोमबार राष्ट्रिय सभा गृहमा एकीकृत राप्रपा राष्ट्रवादीसहित तीन राप्रपाबीचको एकता घोषणा गर्ने कार्यक्रम तय थियो ।

तर, आइतबार साँझ दुईवटै राप्रपाका अध्यक्ष कमल थापा र पशुपतिशमशेर राणाबीचको वार्तामा संवैधानिक राजसंस्था र चुनाव चिह्नका विषयमा सहमति जुट्न नसकेपछि एकता प्रक्रिया एकाएक भाँडिएको हो ।

महाराजगन्जस्थित होटल ‘ला शेर्पा’मा भएको वार्ताका क्रममा राप्रपा अध्यक्ष थापाले संवैधानिक राजतन्त्रलाई नै पार्टीको बटम लाइन बनाएर अघि बढ्नुपर्ने प्रस्ताव गरेका थिए भने राप्रपा प्रजातान्त्रिकका अध्यक्ष राणाले असहमति जनाएका थिए ।

त्यसपछि पुनः चुनाव चिह्नका विषयमा समेत थापाले ‘गाई’ प्रस्ताव गरेपछि राणाले असहमति जनाएका हुन् । राणाले भने ‘हलो’ चिह्न राख्नुपर्ने अडान लिएका छन् । राजधानीबाट ।  


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan