Sunday 21st of October | २०७५ कार्तिक ४ आइतबार

न्यूज अभियान
हरेक खबर विशेष खबर

मालपोतमा अनलाइन सेवा

न्यूजअभियान | प्रकाशित मिति : २०७५ असोज २५ बिहिबार |
newsabhiyan

काभे्रपलाञ्चोक, २५ असोज (रासस) : जिल्ला मालपोत कार्यालय काभे्रपलाञ्चोकले आजदेखि अनलाइन सेवा शुरु गरेको छ ।

आफ्ना सेवाग्राहीलाई अनलाइनमार्फत छिटोछरितो सेवा प्रदान गर्ने उद्देश्यले आजदेखि अनलाइन सेवा शुरु गरिएको कार्यालयका प्रमुख टङ्क उपाध्यायले बताउनुभयो ।

कार्यालयप्रमुख उपाध्यायले भन्नुभयो, “अब सेवाग्राहीले आफैँ अनलाइन फाराम भरेर जमीनको काम गर्न सक्छन् ।” उहाँले आज कार्यालयबाट २०० वटा फाराम वितरण भएकोमध्ये आधाजसो काम भएको बताउनुभयो ।

भूमिसुधार मन्त्रालयको जिल्लास्थित मालापोत कार्यालयबाट अनलाइन प्रणालीमा लैजाने योजनाअन्तर्गत काभे्रपलाञ्चोकबाट पनि अनलाइन सेवा शुरु भएको हो । कार्यालयमा अनलाइन प्रणाली लागू गरिएपछि काममा सहजता आएको उपाध्यायले बताउनुभयो ।

उहाँले भन्नुभयो, “सेवाग्राहीले आफैँ फाराम भर्नुहुन्छ, यदि उहाँहरुले नजानेमा हाम्रा कर्मचारीले सिकाउनुहुन्छ ।” यसबाट कीर्ते, जालसाझी हुने सम्भावना नहुने उहाँले दाबी गर्नुभयो । यसअघि मालपोत कार्यालयमा कम्युटर प्रणाली लागू गरेपछि लिखतको काम गर्न सजिलो भएको छ । कागजीरुपमा जग्गाको रेकर्ड राख्दा ढड्डा पल्टाइरहनुपर्ने झन्झटबाट मुक्ति भएको कार्यालयप्रमुख उपाध्यायले बताउनुभयो ।

यसअघि कलङ्की, चाबहिल, डिल्लीबजार, ललितपुर, भक्तपुर, मोरङ, चन्द्रगढी (झापा), वीरगञ्ज, हेटाँैडा, चितवन, धादिङ, कास्की, बागलुङ, बाँके, चितवनको माडी, खैरेनी, चनौली, मकवानपुरको शिखरकोटसहित १९ वटा मालपोत कार्यालयबाट अनलाइन प्रणाली लागू भइसकेको छ । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan