Saturday 22nd of September | २०७५ असोज ६ शनिबार

न्यूज अभियान
हरेक खबर विशेष खबर

नोबेलमा सफलतापूर्वक गरियो विश्वकै दुर्लभ र जटिल शल्यक्रिया (भिडियो सहित)

न्यूजअभियान | प्रकाशित मिति : २०७४ फाल्गुण १० बिहिबार |
newsabhiyan
newsabhiyan

बिराटनगर, १० फागुन । बिराटनगर स्थित नोबेल मेडिकल कलेज टिचिङ्ग हस्पिटलले विश्वमै दुर्लभ र जटिल मानिने शल्यक्रिया सफलतापूर्वक गरेको छ । सुनसरीको इनरुवा–३ महेन्द्र चौकका ४२ बर्षीय हिरा आचार्यको दुई जटिल रोगको एकैसाथ सफल शल्यक्रिया गरिएको हो ।

आचार्यको एन्यूरिजम (मस्तिस्क भित्रको नसामा बनेको रगतको पोका फुटेको) र ब्रेन ट्यूमरको एकैसाथ सफल शल्यक्रिया गरिएको नोबेल अस्पतालले जनाएको छ ।

यस्तो शल्यक्रिया विश्वमै दुर्लभ र जटिल मानिने चिकत्सकहरुको भनाई छ । अत्याधुनिक न्यूरो सर्जरी सेवा सुरु गरेको नोबेलले ईन्ट्राअपरेटिभ एम आर आई र आई सेभेन नेभिगेशन जस्ता उपकरणको सहायतामा दुवै रोगको एकैसाथ सफल शल्यक्रिया गरेर बिरामीको ज्यान बचाएको हो ।

ब्रेन ट्युमर भित्र एन्यूरिजमको समस्या बिश्वमै दर्लभ र जटिल मानिने नोबेल अस्पतालका न्यूरो सर्जन डा.प्रकाश काफ्ले बताउँछन् । ‘यस्तो समस्या विश्वकै रेकर्डमा हालसम्म १ सय ७६ वटा मात्र पाईएको छ ।’ डा. काफ्ले भन्छन् ‘अत्याधुनिक उपकरणका कारण दुर्लभ र जटिल शल्यक्रिया पनि सफल भयो ।’ यसलाई विश्व रेकर्ड (THE KURUME MEDICAL JOURNAL Vol.31 Japan) ले पनि पुष्टि गर्ने नोबेल न्यूरो साईन्सेसका निर्देशक डा.आईप चेरियनले बताएका छन् ।

प्रोफेसर जुहा एन्टेरो हर्नेशनेमी, डा.आईपी चेरियन, प्रकाश काफ्ले, सुनिल मुनाकोमी, भ्लादिमिरोभिज सर्गे, फिट्री सुमार्दी, दिपक पौडेल, बिजय केसी लगायत चिकित्सकहरुले दुर्लभ र जटिल शल्यक्रियालाई सफल बनाएका हुन् । एन्यूरिजमको समस्याले मात्र पनि विरामीको ज्यान जाने संभावना धेरै हुन्छ । अझ ब्रेन ट्यूमर भित्र भएको एन्यूरिजम झनै खतरनाक भएपनि शल्यक्रिया गरी बिरामीको ज्यान बचाउँन सफल भएको डा. चेरियनले बताए ।

जटिल शल्यक्रिया सफल भएपछि बिरामीका आफन्तले खुशी ब्यक्त गरेका छन् । ‘अप्रेशन सक्सेस हुने हो कि हैन भनेर धैरै डर लागेको थियो ।’ बिरामीकी श्रीमति अंकिता आचार्यले भनिन् ‘जटिल अप्रेशन पनि नोबेलमा सजिलै भयो, ज्यान बाच्यो यसमै खुःशी छौ ।’

केहि दिन अघि अत्याधिक टाउको दुखेर आचार्य मुर्छा परी ढलेका थिए । त्यसपश्चात तत्काल उनलाई स्थानीय अस्पतालमा सामान्य उपचार गरी थप उपचारका लागि बिराटनगरकै एक अस्पताल पुर्याइयो । त्यहा बढी खर्च लाग्ने बताएपछि सस्तो र राम्रो उपचारको खोजीमा नोबेल अस्पतालमा ल्याएर उपचार गरिएको बिरामी हिराका दाजु सुरेस आचार्यले बताए । ‘नोबेलमा राम्रो उपचार हुन्छ भन्ने सुनेका थियौ ।’ आचार्यले भने ‘अन्त भन्दा धेरै सस्तो र धेरै राम्रो उपचार हुँदो रहेछ ।’ 

न्यूरोका लागि जर्मन, अमेरिकालगायत देशबाट अत्याधुनिक उपकरण र सिएमसी भेलोर, फिनल्याण्ड, रसिया, इन्डोनेसिया, लगायत देशबाट बिषेशज्ञ चिकित्सक ल्याएर नोबेलले जटिल रोगको सफल शल्यक्रिया गर्दै आएको छ ।

अत्याधुनिक उपकरण र विश्वप्रसिद्ध डाक्टरहरु भएकाले अव जस्तोसुकै जटिल रोगको उपचार गर्न पनि नोबेल सक्षम रहेको अस्पताल सञ्चालक डा.सुनिल शर्माको भनाई छ ।

दक्षिण एशियामै पहिलो पटक अत्याधुनिक न्यूरो सर्जरी सेवा सुरु गरेको दावी गर्दै डा.शर्माले भने ‘नेपालका मात्र हैन विदेशका बिरामी पनि उपचारका लागि नोबेलमा आउँने वातावरण बनाएका छौ ।’ गुणस्तरीय उपचार सेवा पाएपछि नोबेल अस्पतालमा आउँने बिरामीको संख्या पनि बढ्दै गएको छ ।

गुणस्तरीय स्वास्थ्योपचार सेवा पाएपछि नोबेल अस्पतालमा आउँने बिरामीको संख्या बढ्दो छ । पूर्वका १६ जिल्लाका जनतालाई सर्वसुलभ सेवा दिँदै आएको नोबेलले पछिल्लो समय गुणस्तरीय र अत्याधुनिक सेवा प्रारम्भ गरेपछि छिमेकी मुलुक भारतका सिमावर्ती क्षेत्र र, भुटानबाट समेत स्वास्थ्योपचारका लागि विरामीहरु विराटनगर आउने क्रम बढेको छ ।

 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan